Første båt lossa ved nyekaia på Lutelandet

Onsdag kveld la det første lasteskipet til ved den nye kaia på Lutelandet.

Det var sand- og grusbåten Artictrans som leverte singel til anleggsarbeidet som for tida pågår på Lutelandet. Singelen skal mellom anna brukast til å dekke til høgspentkabelen som blir lagt i grøft tvers over industriområdet.

Arbeidet med å utvide industriområdet pågår no for fullt i regi av Lutelandet Offshore.

Kaia på Lutelandet var ferdig i byrjinga av juli. Etter at Vassbakk og Stol og Skanska avslutta sitt arbeid for Lutelandet Eigedom, har det vore pause i anleggsarbediet til slutten av august.

Det planerte industriområdet som no er på om lag 35 dekar, skal ha vakse betydeleg før dette året er omme. Planen er at området skal nærme seg 90 mål ved juletider.