Kinesisk industrikonsern ser på Lutelandet
Laurdag vitja toppleiinga i det kinesiske
industrikonsernet XEMC Lutelandet
Del på Facebook
XEMC er eit halvt statleg og halvt privateigd selskap som driv
allsidig industriverksemd i Kina. Dei er særleg store på
elektromotorar og turbinar. Produksjon av turbinar til vindmøller
er ei av dei største verksemdene deira. Dei har også ein eigen
fabrikk som produserer vengjer til vindmøller.
For ei tid sidan kjøpte selskapet opp den nederlandske
turbinprodusenten Darwind som har utvila ein lett turbin på 5 MW
for offshore vind.
XEMC ser no på Europa og nordsjøbassenget som ein svært
interessant marknad. Når dei har fatta interesse for Lutelandet er
det på grunn av den sterke satsing på vindkraft på industriområdet
og den gunstige plasseringa i forhold til det som skal skje i
Nordsjøen dei næraste 10-15 åra.
Delegasjonen frå Kina som vitjar Norden i desse dagane er leia
av toppsjefen i konsernet Zhou Jianxiong(nr 4 frå venstre på
biletet). Lutelandet var første stopp på turen i Norden.
