Til Høg-Jæren for å sjekke støy

Ordførar Arve Helle i Fjaler har saman med dagleg leiar i Lutelandet Utvikling Stein-Arne Ottesen og Firda-journalist Ivar Lonvastøl vore i den nyaste vindparken i Norge, på Høg-Jæren, for sjølve høyre om det er støy frå møllene, og snakka med naboar rundt parken.

Ivar Longvastøl frå Firda og ordførar Arve Helle tek bilete av Høg-Jæren Vindpark frå riksvegen

Ivar Longvastøl i samtale med Jan Rud frå selskapet som står bak vindkraftanlegget på Jæren

Ordførarane Arnfinn Vigrestad i Time og Arve Helle, i venstre biletkant Ivar Longvastøl

Ivar Longvastøl og Arve Helle lyttar under ein av dei 36 tubinane i vindkraftanlegget for å finne ut kor langt lyden går

Arve Helle beveger seg rundt i vindparken for med eigne øyre oppleve lyden frå vindmøllene.

Vindkraft-anlegget på Høg-Jøren er ein god del større enn den planlagde vindparken på Lutelandet.

I dag er 28 av dei i alt 36 vindmøllene i parken sett i drift. Dei åtte siste skal reisast til hausten.

Vindparken ligg kommunane Time og Hå sør på Jæren i eit landskap som blir brukt til beite av grunneigarane som har leigt bort grunnen. Sauer og storfe beiter mellom vindmøllene.

Vindkraftanlegget har 2,3 MW-turbinar frå Siemens. Høg-Jæren har svært gode vindforhold , jamn og passe sterk vind, og rekner med å kunne ha jamn stor produksjon. Parken kjem trulig til å produsere nær dobbelt så myke straum som ein like stor vindpark i

Tyskland på grunn av at vindtilhøva er så mykje betre.

Vindparken ligg nærare bustadhus enn det vindparken på til dømes Lutelandet vil gjere. Dei næraste naboane bur mellom 6- og 700 meter frå næraste turbin.

Blant naboane er det svært delte meiningar om kor vidt det er sjenerande støy frå vindmøllene. Ein familie har stått fram i media, mellom anna i Bergens Tidende og fortald at dei i periodar er plaga av støy. Ordføraren og vi andre vitja denne familien som fortalde om dei problem dei føler. Dei fortalde både om støy og om at markeringslys for flytrafikk som er tent om natta og som verka forstyrrande. Denne familein har den næraste mølla 670 meter frå huset, og dei har sju møller innanfor ein avstand på 1,2 kilometer . Møllene er også plassert slik at dei ligg i ein "halvmåne" rundt eigedommen. Dermed har dei har møller på to sider av huset.

Næraste naboane bur like nær vindparken med like mange møller innafor kort avstand. Dei fortalde at dei i det heile ikkje merker noko til støy frå vindmøllene, og at dei knapt høyrer noko lyd i det heile. Den støyen som måtte kome vart uansett overdøyvd av vifter i fjøs og andre tekniske innretningar på garden. Dei merka heller ingen plager frå lys

Vi som var der, gjekk også rundt inne i vidparken for å høyre kor merkbar støyen var. Slik vi opplebde det, var det ikkje merkbar støy når vi var meir enn 200-300 meter frå ein vindturbin. Servicebygget for vindparken ligg 400 meter frå nærasste turbin. Utandørs ved det var det ingen av oss som var i stand til å registrere lyd. Men det skal leggjast til at det var svak vind då vi var der og turbinen gjekk ikkje med full last. Dei tilsette som hadde arbeidsplassen der fortalde at dei ved spesielle vindforhoild kunne høyre lyden frå giret, men aldri lyden frå rotorblada som gjekk rundt. For folk som har vore i oljeindustrien er ikkje dette støy, og knapt nok lyd, var kommentaren der.

Vi møtte også Arnfinn Vigrestad som er ordførar i Time kommune der halve vindkraftanlegget ligg. Han fortalde at den lokale oppslutninga om vindparken er overveldande både politisk og blant innbyggjarane, og han trudde at folk var blitt meir positive etter at vindparken var sett i drift.

Vindparken er på kor tid blir eit av dei mest populære turmåla i området. Så populært at det har vore parkeringsproblem i periodar. Parkeringsplassen har ikkje ferdig opparbeidd før no, det har skapt litt kaos i helgane. Dei 14 kilometrane med grusveg som ligg inne i vindparken er no opna opp og lagt til rette for folk som ønskjer å gå eller sykle tur, eit tilbod som folk i område har sett stor pris på. I sommar har vindparken også vore eit populært reiemål for turistar i området.

Konklusjonen etter å ha snakka med utbyggar, kommune og naboar er at nokon kan føle seg plaga av støy frå vindmøller når dei står så nær bustadhus som dei gjer i denne parken. På Lutelandet bli avstanden betydeleg større. Opplevinga av lyden, og om den plagsom, varierer sterkt i området. Nokre av naboane opplevde det som eit problem, medan andre sa at dei ikkje høyrde den i det heile.

Stein-Arne Ottesen